3. Саул замд явж байлаа. Тэр Дамаскт дөхөн ирж байтал гэнэт тэнгэрээс гэрэл гарч түүнийг хүрээлэн гэрэлтэхэд,
4. Саул газар хөсөр унав. Тэгээд—Саул аа, Саул аа, юунд чи Намайг хавчина вэ? гэх дууг сонсоод,—
5. Эзэн, Та хэн бэ? гэжээ. Тэгтэл Тэр—Би бол чиний хавчиж мөшгөөд байгаа Есүс байна.
6. Бос, хот уруу оч. Чиний юу хийх ёстойг чамд хэлэх болно гэв.
7. Түүнтэй хамт явж байсан хүмүүс дуу сонссон боловч хэнийг ч хараагүй тул дуугүй зогсож байлаа.
8. Саул газраас босов. Нүд нь нээлттэй хэрнээ тэр юу ч харж чадахгүй байлаа. Тэд түүнийг гараас нь хөтөлсөөр Дамаскт авчрав.