4. Ним, пак, им кажа: „Во сабота допуштено ли е да се прави добро или зло; да се спаси една душа или да се погуби?“ А тие молчеа.
5. Па, кога ги изгледа со гнев, натажен поради нивните скаменети срца, му рече на човекот: „Протегни ја раката своја!“ Тој ја протегна и раката му стана здрава, како и другата.
6. Фарисеите, штом излегоа, веднаш се собраа со Иродовците на совет против Него, како да Го погубат.
7. Исус, пак, отиде со Своите ученици кон морето и по Него одеше многу народ од Галилеја и од Јудеја,
8. од Ерусалим и од Идумеја и отаде Јордан. И од Тир и Сидон, откако чуја какви дела врши, во голем број дојдоа кај Него.
9. И им порача на учениците Свои да Му приготват кораб, поради народот, за да не Го туркаат;
10. зашто мнозина беше излекувал, така што сите, кои беа болни, навалуваа кон Него за да се допрат до Него.
11. И нечистите духови, штом ќе Го видеа, паѓаа пред Него, викаа и говореа: „Ти си Син Божји!“
12. Но Тој строго им забрануваше да разгласуваат за Него.
13. Потоа се искачи на гората и ги повика кај Себе оние, кои Сам ги одбра и тие дојдоа кај Него.
14. Избра дванаесетмина да бидат со Него и да ги праќа да проповедаат;
15. и да имаат власт да лекуваат болести и да изгонуваат демони: