1. Потоа Исус отиде на другата страна од Галилејското, Тиверијадското Море.
2. И по него одеше многу народ, зашто ги гледаа чудата Негови што ги вршеше над болните.
3. А Исус отиде во гората и таму седеше со учениците Свои.
4. И наближуваше јудејскиот празник Пасха.
5. Исус, пак, откако ги подигна очите, виде дека кон Него иде многу народ и му рече на Филип: „Од каде да купиме леб за да јадат овие?“
6. А тоа го рече за да го искуша, зашто Сам знаеше што ќе направи.
7. Филип Му одговори: „Не ќе им биде доволно леб за двесте денарии, па да добие секој од нив по малку!“
8. Еден од учениците Негови, Андреј, братот на Симон Петар, Му рече:
9. „Овде има едно момче кое има пет јачменови лебови и две риби; но што е тоа за толку души?“