32. А Марија, штом пристигна таму каде што беше Исус и кога Го виде, падна пред нозете Негови и рече: „Господи, да беше ти овде, немаше да умре брат ми!“
33. Исус, пак, кога ја виде како плаче, и Јудејците што беа дошле со неа како плачат, се натажи во духот и се потресе,
34. па рече: „Каде сте го положиле?“ Му рекоа: „Господи, дојди и види!“
35. Исус просолзи.
36. Тогаш Јудејците рекоа: „Гледај, колку го сакал!“
37. Некои од нив, пак, велеа: „Не можеше ли Овој, што ги отвори очите на слепиот, да направи и овој да не умре?“
38. А Исус пак се нажали во Себе и дојде до гробот; тоа беше пештера и камен навален на неа.