18. А Витанија беше близу до Ерусалим, околу петнаесет стадии;
19. и мнозина Јудејци беа дошле кај Марта и Марија да ги утешат за нивниот брат.
20. Кога чу Марта дека доаѓа Исус, излезе пред Него; а Марија седеше дома.
21. Тогаш Марта Му рече на Исус: „Господи, ако беше Ти овде, брат ми немаше да умре.
22. Но и сега знам што и да посакаш од Бога, Бог ќе ти даде.“
23. Исус ѝ рече: „Твојот брат ќе воскресне!“
24. Марта Му рече: „Знам дека ќе воскресне при воскресението, во последниот ден.“
25. А Исус ѝ рече: „Јас сум воскресението и животот; кој верува во Мене, и да умре, ќе живее.
26. И секој што живее и верува во Мене, нема да умре довека. Го веруваш ли тоа?“
27. Таа Му одговори: „Да, Господи, јас поверував дека си Ти Христос, Синот Божји, што треба да дојде во светот.“
28. Штом го рече тоа, отиде и ја повика сестра си Марија тајно, велејќи: „Учителот е овде и те вика.“