15. И во тие дни Петар стана меѓу браќата, а беа се собрале околу сто и дваесет души и рече:
16. „Мажи браќа! Требаше да се исполни напишаното што го беше претскажал Светиот Дух преку устата Давидова за Јуда, водачот на оние што Го фатија Исуса,
17. зашто тој беше вброен меѓу нас и беше примил дел од оваа служба;
18. но со неправедна награда тој стекна нива и, откако падна ничкум, прсна по средината, и се истури целата негова утроба.