20. Тогаш еврејските водачи Му рекоа: „Овој храм бил граден четириесет и шест години, а Ти би го подигнал за три дена!?“
21. Но, Тој им зборуваше за Своето тело како храм.
22. Затоа, кога воскресна од мртвите, Неговите ученици си спомнаа на тоа што го рече, па поверуваа во Светото Писмо и во зборовите на Исус.
23. Додека Исус беше во Ерусалим, за време на празникот Пасха, многумина поверуваа дека Тој е Месијата, гледајќи ги чудата што ги правеше.
24. Самиот Исус, пак, не им се доверуваше, затоа што Тој ги познаваше сите.
25. Немаше потреба некој да му кажува за луѓето, зашто Тој знаеше што се крие во нивните срца.