42. Тогаш ги ситнев како прав пред ветерот, ги газев како кал по улиците.
43. Ти ме избави од народната буна, ме постави главатар на народите; ми служи народ што не го познавав.
44. Штом чуја за мене, тие ме послушаа, ми се покоруваат туѓинци.
45. Туѓинците ослабеа, треперејќи излегуваат од своите тврдини.
46. Жив е Господ! Благословена да е мојата Карпа! Нека се возвиси Бог на моето спасение!
47. Бог, Кој одмаздува за мене, и ми ги покорува народите.
48. Кој ме избавува од моите непријатели! Ме издига над оние што стануваат против мене, ме спасува од насилниците.
49. Затоа ќе Те славам, Господи, среде народите и ќе му пеам на Твоето име:
50. Славно го избавуваш Твојот цар и му искажуваш милост на Твојот помазаник, на Давида и на неговото потомство довека.