34. Му дадоа да пие вино, измешано со жолчка, но кога вкуси, не сакаше да пие.
35. А кога Го распнаа, ги разделија Неговите облеки, фрлајќи жрепка, за да се исполни кажаното преку пророкот: „Ги разделија алиштата Мои меѓу себе и за облеката Моја фрлија жрепка.”
36. И седеа и Го пазеа таму.
37. И Му ставија над Неговата глава натпис за Неговата вина: „Овој е Исус, Јудејски Цар.”
38. Тогаш распнаа со Него двајца разбојници: едниот оддесно, а едниот одлево.
39. А минувачите Го хулеа, вртејќи ги главите
40. и велејќи: „Ти, што го разурнуваш Храмот и што за три дни го соѕидуваш, спаси се Себеси, ако си Божји Син; слези од крстот!”
41. Исто зборуваа првосвештениците, со книжевниците и старешините, потсмевајќи Му се:
42. ”Другите ги спаси, а Самиот Себе не може да се спаси. Тој е Израелев Цар! Нека слезе сега од крстот и ќе Му поверуваме!