15. Други пак велеа, дека е Илија; а други велеа дека е пророк, или како еден од пророците.
16. Но кога Ирод чу, рече: „Јован, кому јас му ја отсеков главата, тој стана од мртвите.”
17. Имено, Ирод испрати и го фати Јована и го врза во темницата, заради Иродијада, жената на брата му Филипа, бидејќи се ожени со неа,
18. зашто Јован му велеше на Ирода: „Не ти е дозволено да ја имаш жената на брата си.”
19. А Иродијада беше озлобена на него и сакаше да го убие, но не можеше.
20. Зашто Ирод се плашеше од Јована, знаејќи дека е човек праведен и свет, и го пазеше; и кога го слушаше, се збунуваше многу, но сепак го слушаше со задоволство.