24. И отиде со него. И многу народ одеше по Него и Го притискаше.
25. И една жена, која страдаше од крвотечение дванаесет години,
26. и претрпела многу од мнозина лекари и си го потрошила целиот свој имот, а од тоа немаше никаква полза, туку и стана уште полошо;
27. откако чу за Исуса, дојде меѓу народот, одназад, и се допре до Неговата облека,
28. зашто си велеше: „Ако се допрам само и до Неговата облека, ќе се спасам!”
29. И веднаш и прекрати крвотечението и таа почувствува во телото дека е излекувана од болеста.