1. А кога ги подигна очите, виде како богатите ги пуштаат своите дарови во благајната.
2. А виде и една бедна вдовица, како пушти таму две лепти,
3. и рече: „Вистина ви велам, беднава вдовица пушти повеќе од сите,
4. зашто сите овие приложија дар за Бога, од својот вишок; а таа од својата немаштија: пушти сè што имаше за живеење.”
5. И кога некои зборуваа за Храмот дека е украсен со убави камења и со заветни дарови, Тој им рече:
6. ”Ќе дојдат дни кога од ова што го гледате, не ќе остане ни камен на камен, што не ќе биде урнат!”
7. А тие Го прашаа, велејќи: „Учителе, кога ќе биде тоа, и каков е знакот, дека тоа ќе стане?”