13. А нечесните срца негуваат омраза, не бараат помош, кога Тој ги врзува во окови;
14. умираат во цветот на своето детство и животот им завршува меѓу содомците.
15. Тој го спасува страдалникот преку неговата беда и му ги отвора очите во несреќа.
16. Ќе те избави од грлото на теснината, ќе те изведе кон безграничните пространства, кон стол преполн со месо.
17. Но ти си го исполнил судот на безбожниците суд и осудување ќе те постигне.