18. Со него го праќаме и братот пофалуван, за работење на Евангелието по сите цркви.
19. И не само тоа, туку црквите го избраа да патува со нас во ова дело на љубовта, на кое му служиме за слава на Самиот Господ и да ја покажеме својата подготвеност.
20. Со тоа сакаме да избегнеме да не ни се префрли заради овој изобилен подарок што го донесуваме.
21. Зашто, ние се грижиме за она што е добро не само пред Господа, туку и пред луѓето.
22. А со нив го испративме и нашиот брат, чија ревност ја испитавме повеќе пати во многу работи, а кој е уште поревносен сега, заради големата доверба во вас.
23. Што се однесува за Тит, тој е мој другар и соработник за вас. А што се однесува за нашите браќа, тие се пратеници на црквите и Христова слава.