40. et dicentes : Vah ! qui destruis templum Dei, et in triduo illud reædificas : salva temetipsum : si Filius Dei es, descende de cruce.
41. Similiter et principes sacerdotum illudentes cum scribis et senioribus dicebant :
42. Alios salvos fecit, seipsum non potest salvum facere : si rex Israël est, descendat nunc de cruce, et credimus ei :
43. confidit in Deo : liberet nunc, si vult eum : dixit enim : Quia Filius Dei sum.