46. Oleo caput meum non unxisti : hæc autem unguento unxit pedes meos.
47. Propter quod dico tibi : remittuntur ei peccata multa, quoniam dilexit multum. Cui autem minus dimittitur, minus diligit.
48. Dixit autem ad illam : Remittuntur tibi peccata.
49. Et cœperunt qui simul accumbebant, dicere intra se : Quis est hic qui etiam peccata dimittit ?
50. Dixit autem ad mulierem : Fides tua te salvam fecit : vade in pace.