16. Venit autem primus dicens : Domine, mna tua decem mnas acquisivit.
17. Et ait illi : Euge bone serve, quia in modico fuisti fidelis, eris potestatem habens super decem civitates.
18. Et alter venit, dicens : Domine, mna tua fecit quinque mnas.
19. Et huic ait : Et tu esto super quinque civitates.
20. Et alter venit, dicens : Domine, ecce mna tua, quam habui repositam in sudario :
21. timui enim te, quia homo austerus es : tollis quod non posuisti, et metis quod non seminasti.