1. Ante diem festum Paschæ, sciens Jesus quia venit hora ejus ut transeat ex hoc mundo ad Patrem : cum dilexisset suos, qui erant in mundo, in finem dilexit eos.
2. Et cœna facta, cum diabolus jam misisset in cor ut traderet eum Judas Simonis Iscariotæ :
3. sciens quia omnia dedit ei Pater in manus, et quia a Deo exivit, et ad Deum vadit :
4. surgit a cœna, et ponit vestimenta sua, et cum accepisset linteum, præcinxit se.