3. Filii hominum, usquequo gravi corde ?ut quid diligitis vanitatem, et quæritis mendacium ?
4. Et scitote quoniam mirificavit Dominus sanctum suum ;Dominus exaudiet me cum clamavero ad eum.
5. Irascimini, et nolite peccare ;quæ dicitis in cordibus vestris, in cubilibus vestris compungimini.
6. Sacrificate sacrificium justitiæ, et sperate in Domino.Multi dicunt : Quis ostendit nobis bona ?
7. Signatum est super nos lumen vultus tui, Domine :dedisti lætitiam in corde meo.
8. A fructu frumenti, vini, et olei sui, multiplicati sunt.
9. In pace in idipsum dormiam, et requiescam ;
10. quoniam tu, Domine, singulariter in spe constituisti me.