1. Ipsi David. Benedic, anima mea, Domino,et omnia quæ intra me sunt nomini sancto ejus.
2. Benedic, anima mea, Domino,et noli oblivisci omnes retributiones ejus.
3. Qui propitiatur omnibus iniquitatibus tuis ;qui sanat omnes infirmitates tuas :
4. qui redimit de interitu vitam tuam ;qui coronat te in misericordia et miserationibus :
5. qui replet in bonis desiderium tuum ;renovabitur ut aquilæ juventus tua :
6. faciens misericordias Dominus,et judicium omnibus injuriam patientibus.