7. Bibant, et obliviscantur egestatis suæ,et doloris sui non recordentur amplius.
8. Aperi os tuum muto,et causis omnium filiorum qui pertranseunt.
9. Aperi os tuum, decerne quod justum est,et judica inopem et pauperem.
10. Mulierem fortem quis inveniet ?procul et de ultimis finibus pretium ejus.
11. Confidit in ea cor viri sui,et spoliis non indigebit.
12. Reddet ei bonum, et non malum,omnibus diebus vitæ suæ.