13. Sicut frigus nivis in die messis,ita legatus fidelis ei qui misit eum :animam ipsius requiescere facit.
14. Nubes, et ventus, et pluviæ non sequentes,vir gloriosus et promissa non complens.
15. Patientia lenietur princeps,et lingua mollis confringet duritiam.
16. Mel invenisti : comede quod sufficit tibi,ne forte satiatus evomas illud.
17. Subtrahe pedem tuum de domo proximi tui,nequando satiatus oderit te.