14. Tu virga percuties eum,et animam ejus de inferno liberabis.
15. Fili mi, si sapiens fuerit animus tuus,gaudebit tecum cor meum :
16. et exsultabunt renes mei,cum locuta fuerint rectum labia tua.
17. Non æmuletur cor tuum peccatores,sed in timore Domini esto tota die :
18. quia habebis spem in novissimo,et præstolatio tua non auferetur.
19. Audi, fili mi, et esto sapiens,et dirige in via animum tuum.