1. Luxuriosa res vinum, et tumultuosa ebrietas :quicumque his delectatur non erit sapiens.
2. Sicut rugitus leonis, ita et terror regis :qui provocat eum peccat in animam suam.
3. Honor est homini qui separat se a contentionibus ;omnes autem stulti miscentur contumeliis.
4. Propter frigus piger arare noluit ;mendicabit ergo æstate, et non dabitur illi.
5. Sicut aqua profunda, sic consilium in corde viri ;sed homo sapiens exhauriet illud.
6. Multi homines misericordes vocantur ;virum autem fidelem quis inveniet ?
7. Justus qui ambulat in simplicitate suabeatos post se filios derelinquet.