6. Verba impiorum insidiantur sanguini ;os justorum liberabit eos.
7. Verte impios, et non erunt ;domus autem justorum permanebit.
8. Doctrina sua noscetur vir ;qui autem vanus et excors est patebit contemptui.
9. Melior est pauper et sufficiens sibiquam gloriosus et indigens pane.
10. Novit justus jumentorum suorum animas ;viscera autem impiorum crudelia.
11. Qui operatur terram suam satiabitur panibus ;qui autem sectatur otium stultissimus est.Qui suavis est in vini demorationibus,in suis munitionibus relinquit contumeliam.