1. Dixit autem Judith ad omnem populum : Audite me, fratres : suspendite caput hoc super muros nostros :
2. et erit, cum exierit sol, accipiat unusquisque arma sua, et exite cum impetu, non ut descendatis deorsum, sed quasi impetum facientes.
3. Tunc exploratores necesse erit ut fugiant ad principem suum excitandum ad pugnam.
4. Cumque duces eorum cucurrerint ad tabernaculum Holofernis, et invenerint eum truncum in suo sanguine volutatum, decidet super eos timor.