5. Suspice cælum, et intuere :et contemplare æthera quod altior te sit.
6. Si peccaveris, quid ei nocebis ?et si multiplicatæ fuerint iniquitates tuæ, quid facies contra eum ?
7. Porro si juste egeris, quid donabis ei ?aut quid de manu tua accipiet ?
8. Homini qui similis tui est, nocebit impietas tua :et filium hominis adjuvabit justitia tua.
9. Propter multitudinem calumniatorum clamabunt,et ejulabunt propter vim brachii tyrannorum.
10. Et non dixit : Ubi est Deus qui fecit me,qui dedit carmina in nocte ;