1. Audi igitur, Job, eloquia mea,et omnes sermones meos ausculta.
2. Ecce aperui os meum :loquatur lingua mea in faucibus meis.
3. Simplici corde meo sermones mei,et sententiam puram labia mea loquentur.
4. Spiritus Dei fecit me,et spiraculum Omnipotentis vivificavit me.
5. Si potes, responde mihi,et adversus faciem meam consiste.
6. Ecce, et me sicut et te fecit Deus,et de eodem luto ego quoque formatus sum.