19. Non adæquabitur ei topazius de Æthiopia,nec tincturæ mundissimæ componetur.
20. Unde ergo sapientia venit ?et quis est locus intelligentiæ ?
21. Abscondita est ab oculis omnium viventium :volucres quoque cæli latet.
22. Perditio et mors dixerunt :Auribus nostris audivimus famam ejus.
23. Deus intelligit viam ejus,et ipse novit locum illius.
24. Ipse enim fines mundi intuetur,et omnia quæ sub cælo sunt respicit.