10. Et ædificabunt filii peregrinorum muros tuos,et reges eorum ministrabunt tibi ;in indignatione enim mea percussi te,et in reconciliatione mea misertus sum tui.
11. Et aperientur portæ tuæ jugiter ;die ac nocte non claudentur,ut afferatur ad te fortitudo gentium,et reges earum adducantur.
12. Gens enim et regnum quod non servierit tibi peribit,et gentes solitudine vastabuntur.
13. Gloria Libani ad te veniet,abies, et buxus, et pinus simulad ornandum locum sanctificationis meæ ;et locum pedum meorum glorificabo.