1. Postquam autem audivit verba filiorum Laban dicentium : Tulit Jacob omnia quæ fuerunt patris nostri, et de illius facultate ditatus, factus est inclytus :
2. animadvertit quoque faciem Laban, quod non esset erga se sicut heri et nudiustertius,
3. maxime dicente sibi Domino : Revertere in terram patrum tuorum, et ad generationem tuam, eroque tecum.
4. Misit, et vocavit Rachel et Liam in agrum, ubi pascebat greges,