16. Omnia peccata ejus quæ peccavit, non imputabuntur ei : judicium et justitiam fecit : vita vivet.
17. Et dixerunt filii populi tui : Non est æqui ponderis via Domini : et ipsorum via injusta est.
18. Cum enim recesserit justus a justitia sua, feceritque iniquitates, morietur in eis.
19. Et cum recesserit impius ab impietate sua, feceritque judicium et justitiam, vivet in eis.
20. Et dicitis : Non est recta via Domini. Unumquemque juxta vias suas judicabo de vobis, domus Israël.