3. factum est verbum Domini ad Ezechielem filium Buzi sacerdotem, in terra Chaldæorum, secus flumen Chobar : et facta est super eum ibi manus Domini.
4. Et vidi, et ecce ventus turbinis veniebat ab aquilone, et nubes magna, et ignis involvens, et splendor in circuitu ejus : et de medio ejus, quasi species electri, id est, de medio ignis :
5. et in medio ejus similitudo quatuor animalium. Et hic aspectus eorum, similitudo hominis in eis.
6. Quatuor facies uni, et quatuor pennæ uni.