4. Craticulamque ejus in modum retis fecit æneam, et subter eam in altaris medio arulam,
5. fusis quatuor annulis per totidem retiaculi summitates, ad immittendos vectes ad portandum :
6. quos et ipsos fecit de lignis setim, et operuit laminis æneis :
7. induxitque in circulos, qui in lateribus altaris eminebant. Ipsum autem altare non erat solidum, sed cavum ex tabulis, et intus vacuum.
8. Fecit et labrum æneum cum basi sua de speculis mulierum, quæ excubabant in ostio tabernaculi.