34. in ipso autem candelabro erunt quatuor scyphi in nucis modum, sphærulæque per singulos, et lilia.
35. Sphærulæ sub duobus calamis per tria loca, qui simul sex fiunt procedentes de hastili uno.
36. Et sphærulæ igitur et calami ex ipso erunt, universa ductilia de auro purissimo.
37. Facies et lucernas septem, et pones eas super candelabrum, ut luceant ex adverso.
38. Emunctoria quoque, et ubi quæ emuncta sunt extinguantur, fiant de auro purissimo.