23. et iteravit orationem suam,volens ostendere virtutem Dei.
24. Et nunc orate Deum omnium, qui magna fecit in omni terra,qui auxit dies nostros a ventre matris nostræ,et fecit nobiscum secundum suam misericordiam :
25. det nobis jucunditatem cordis,et fieri pacem in diebus nostris in Israël per dies sempiternos :
26. credere Israël nobiscum esse Dei misericordiam,ut liberet nos in diebus suis.
27. Duas gentes odit anima mea :tertia autem non est gens quam oderim :
28. qui sedent in monte Seir, et Philisthiim,et stultus populus qui habitat in Sichimis.