11. In multitudine disciplinæ Dominus separavit eos,et immutavit vias eorum.
12. Ex ipsis benedixit et exaltavit,et ex ipsis sanctificavit, et ad se applicavit,et ex ipsis maledixit, et humiliavit,et convertit illos a separatione ipsorum.
13. Quasi lutum figuli in manu ipsius,plasmare illud et disponere.
14. Omnes viæ ejus secundum dispositionem ejus :sic homo in manu illius qui se fecit,et reddet illi secundum judicium suum.
15. Contra malum bonum est, et contra mortem vita :sic et contra virum justum peccator,et sic intuere in omnia opera Altissimi,duo et duo, et unum contra unum.