1. In lapide luteo lapidatus est piger :et omnes loquentur super aspernationem illius.
2. De stercore boum lapidatus est piger :et omnis qui tetigerit eum excutiet manus.
3. Confusio patris est de filio indisciplinato :filia autem in deminoratione fiet.
4. Filia prudens hæreditas viro suo :nam quæ confundit, in contumeliam fit genitoris.
5. Patrem et virum confundit audax,et ab impiis non minorabitur :ab utrisque autem inhonorabitur.