1. Beatus vir qui non est lapsus verbo ex ore suo,et non est stimulatus in tristitia delicti.
2. Felix qui non habuit animi sui tristitiam,et non excidit a spe sua.
3. Viro cupido et tenaci sine ratione est substantia :et homini livido ad quid aurum ?
4. Qui acervat ex animo suo injuste, aliis congregat,et in bonis illius alius luxuriabitur.
5. Qui sibi nequam est, cui alii bonus erit ?et non jucundabitur in bonis suis.
6. Qui sibi invidet, nihil est illo nequius :et hæc redditio est malitiæ illius.