17. Si ergo habes me socium, suscipe illum sicut me :
18. si autem aliquid nocuit tibi, aut debet, hoc mihi imputa.
19. Ego Paulus scripsi mea manu : ego reddam, ut non dicam tibi, quod et teipsum mihi debes :
20. ita, frater. Ego te fruar in Domino : refice viscera mea in Domino.
21. Confidens in obedientia tua scripsi tibi : sciens quoniam et super id, quod dico, facies.
22. Simul autem et para mihi hospitium : nam spero per orationes vestras donari me vobis.