3. Testificor autem rursus omni homini circumcidenti se, quoniam debitor est universæ legis faciendæ.
4. Evacuati estis a Christo, qui in lege justificamini : a gratia excidistis.
5. Nos enim spiritu ex fide, spem justitiæ exspectamus.
6. Nam in Christo Jesu neque circumcisio aliquid valet, neque præputium : sed fides, quæ per caritatem operatur.
7. Currebatis bene : quis vos impedivit veritati non obedire ?
8. persuasio hæc non est ex eo, qui vocat vos.