10. Dies observatis, et menses, et tempora, et annos.
11. Timeo vos, ne forte sine causa laboraverim in vobis.
12. Estote sicut ego, quia et ego sicut vos : fratres, obsecro vos. Nihil me læsistis.
13. Scitis autem quia per infirmitatem carnis evangelizavi vobis jampridem : et tentationem vestram in carne mea
14. non sprevistis, neque respuistis : sed sicut angelum Dei excepistis me, sicut Christum Jesum.
15. Ubi est ergo beatitudo vestra ? testimonium enim perhibeo vobis, quia, si fieri posset, oculos vestros eruissetis, et dedissetis mihi.
16. Ergo inimicus vobis factus sum, verum dicens vobis ?
17. Æmulantur vos non bene : sed excludere vos volunt, ut illos æmulemini.
18. Bonum autem æmulamini in bono semper : et non tantum cum præsens sum apud vos.