1. អស់ទាំងសាសន៍អើយ ចូរស្តាប់សេចក្ដីនេះមនុស្សទាំងឡាយនៅលោកីយ៍អើយចូរផ្ទៀងត្រចៀកស្តាប់ចុះ
2. គឺទាំងធំទាំងតូច ទាំងមានទាំងក្រគ្រប់គ្នា
3. មាត់ខ្ញុំនឹងបញ្ចេញប្រាជ្ញា ហើយចិត្តខ្ញុំនឹងរំពឹងគិតតែពីសេចក្ដីត្រឹមត្រូវ
4. ខ្ញុំនឹងផ្ទៀងត្រចៀកស្តាប់ពាក្យឧបមាខ្ញុំនឹងផ្តើមច្រៀងសេចក្ដីអាថ៌កំបាំងរបស់ខ្ញុំតាមសូរស៊ុង។
5. ៙ ហេតុអ្វីបានជាខ្ញុំត្រូវមានចិត្តភ័យខ្លាចក្នុងគ្រាអាក្រក់គឺកាលណាសេចក្ដីទុច្ចរិត ដែលតាមជាប់កែងជើងបានព័ទ្ធខ្ញុំជុំវិញហើយ
6. ឯក្នុងពួកអស់អ្នកដែលទុកចិត្តនឹងរបស់ទ្រព្យខ្លួនហើយអួតអាងពីទ្រព្យសម្បត្តិដ៏មានជាបរិបូរ
7. នោះគ្មានអ្នកណាមួយនឹងអាចលោះបងប្អូនខ្លួនឬយកដំឡៃសំរាប់លោះគេទៅថ្វាយដល់ព្រះបានឡើយ
8. ដ្បិតដំឡៃលោះព្រលឹងគេ នោះថ្លៃពេកណាស់ឥតដែលអាចនឹងលោះបានឡើយ
9. នឹងឲ្យគេរស់នៅជាដរាប ឥតឃើញសេចក្ដីពុករលួយមិនបានទេ។