39. ទូលបង្គំកម្ទេច និងកាប់សម្លាប់ពួកគេមិនឲ្យពួកគេក្រោកឡើងវិញឡើយពួកគេដួលស្លាប់នៅនឹងជើងរបស់ទូលបង្គំ។
40. ព្រះអង្គប្រទានឲ្យទូលបង្គំមានកម្លាំងធ្វើសឹក និងបង្ក្រាបខ្មាំងសត្រូវ។
41. ព្រះអង្គបានធ្វើឲ្យពួកគេបាក់ទ័ពរត់នៅមុខទូលបង្គំហើយទូលបង្គំបានធ្វើឲ្យអស់អ្នកដែលស្អប់ទូលបង្គំវិនាសសូន្យអស់ទៅ។
42. ពួកគេនាំគ្នាសម្លឹងរកមើលជំនួយតែគ្មាននរណាជួយពួកគេឡើយគេស្រែកហៅព្រះអម្ចាស់តែព្រះអង្គមិនឆ្លើយតបនឹងពួកគេទេ។
43. ទូលបង្គំកម្ទេចពួកគេឲ្យម៉ដ្ត ដូចធូលីដីទូលបង្គំជាន់ឈ្លីពួកគេដូចភក់ជ្រាំនៅតាមផ្លូវ។
44. ព្រះអង្គបានរំដោះឲ្យទូលបង្គំរួចពីការបះបោររបស់ប្រជាជនហើយទុកឲ្យទូលបង្គំធ្វើជាមេដឹកនាំលើប្រជាជាតិនានាប្រជាជនមួយដែលទូលបង្គំមិនធ្លាប់ស្គាល់បានមកចុះចូលនឹងទូលបង្គំ។
45. ជនបរទេសនាំគ្នាស្ដាប់បង្គាប់ទូលបង្គំហើយពេលទូលបង្គំនិយាយតែមួយម៉ាត់គេក៏ធ្វើតាមភ្លាម។