34. ព្រះអង្គប្រោសប្រទានឲ្យខ្ញុំរត់លឿនដូចសត្វក្ដាន់ហើយឲ្យខ្ញុំអាចឈរនៅទីខ្ពស់។
35. ព្រះអង្គបង្ហាត់ខ្ញុំឲ្យស្ទាត់ជំនាញខាងធ្វើសឹកនិងឲ្យខ្ញុំមានកម្លាំងយឹតធ្នូលង្ហិនបាន។
36. ព្រះអង្គការពារ និងសង្គ្រោះទូលបង្គំព្រះអង្គគាំទ្រទូលបង្គំហើយព្រះអង្គលើកទូលបង្គំឡើងដោយព្រះហឫទ័យមេត្តា។
37. ព្រះអង្គការពារទូលបង្គំមិនឲ្យខ្មាំងសត្រូវដេញទាន់មិនឲ្យទូលបង្គំភ្លាត់ជើងដួលឡើយ។
38. ទូលបង្គំដេញតាមពួកខ្មាំងសត្រូវនិងបំផ្លាញពួកគេហើយទូលបង្គំមិនត្រឡប់មកវិញទេដរាបទាល់តែបានកម្ទេចពួកគេអស់។
39. ទូលបង្គំកម្ទេច និងកាប់សម្លាប់ពួកគេមិនឲ្យពួកគេក្រោកឡើងវិញឡើយពួកគេដួលស្លាប់នៅនឹងជើងរបស់ទូលបង្គំ។
40. ព្រះអង្គប្រទានឲ្យទូលបង្គំមានកម្លាំងធ្វើសឹក និងបង្ក្រាបខ្មាំងសត្រូវ។
41. ព្រះអង្គបានធ្វើឲ្យពួកគេបាក់ទ័ពរត់នៅមុខទូលបង្គំហើយទូលបង្គំបានធ្វើឲ្យអស់អ្នកដែលស្អប់ទូលបង្គំវិនាសសូន្យអស់ទៅ។