16. ដាវអើយ ចូរប្រើមុខដ៏មុតរបស់ឯង!ចូរវាត់ទៅខាងស្ដាំ វាត់ទៅខាងឆ្វេង!តម្រង់ទៅគ្រប់ទិសទី!
17. ចំណែកឯយើងវិញ យើងក៏នឹងទះដៃដែររហូតទាល់តែស្ងប់កំហឹងរបស់យើងនេះជាពាក្យរបស់យើង ដែលជាព្រះអម្ចាស់»។
18. ព្រះអម្ចាស់មានព្រះបន្ទូលមកខ្ញុំ ដូចតទៅ៖
19. «កូនមនុស្សអើយ ចូរគូរផ្លូវពីរសម្រាប់ដាវរបស់ស្ដេចស្រុកបាប៊ីឡូន ផ្លូវទាំងពីរនេះចេញពីស្រុកតែមួយ។ ចូរដាក់សញ្ញាសម្គាល់នៅមាត់ផ្លូវ ដែលនាំទៅកាន់ទីក្រុងនីមួយៗ។
20. ចូរគូរផ្លូវមួយ នាំមុខដាវឆ្ពោះទៅក្រុងរ៉ាបាត ក្នុងស្រុកអាំម៉ូន និងមួយទៀតនាំទៅក្រុងយេរូសាឡឹម ក្នុងស្រុកយូដា ជាក្រុងដែលមានកំពែងរឹងមាំ។