1. ព្រះអម្ចាស់មានព្រះបន្ទូលថា:លិខិតបញ្ជាក់ថាយើងលែងលះម្ដាយអ្នករាល់គ្នានៅឯណា?តើយើងលក់អ្នករាល់គ្នាដើម្បីសងបំណុលនរណា?យើងបានលក់អ្នករាល់គ្នាព្រោះតែអំពើទុច្ចរិតដែលអ្នករាល់គ្នាប្រព្រឹត្តយើងបានលែងលះម្ដាយអ្នករាល់គ្នាព្រោះតែអ្នករាល់គ្នាបះបោរ!
2. ពេលយើងមក ហេតុអ្វីបានជាមិនឃើញមាននរណាម្នាក់ដូច្នេះ?យើងបានស្រែកហៅហេតុអ្វីបានជាគ្មាននរណាឆ្លើយសោះ?តើដៃរបស់យើងខ្លីពេករំដោះអ្នករាល់គ្នាពុំកើតឬ?តើយើងគ្មានកម្លាំងល្មមនឹងដោះលែងអ្នករាល់គ្នាឬ?ពេលយើងស្រែកគំរាម នោះសមុទ្រក៏រីងស្ងួតទន្លេក្លាយទៅជាវាលរហោស្ថានធ្វើឲ្យត្រីវិនាសអស់ ព្រោះគ្មានទឹក។
3. យើងអាចធ្វើឲ្យផ្ទៃមេឃប្រែជាងងឹតព្រមទាំងធ្វើឲ្យវាអាប់អួដូចកាន់ទុក្ខទៀតផង។
4. ព្រះជាអម្ចាស់បង្រៀនខ្ញុំឲ្យនិយាយពាក្យសម្ដីជាសិស្សដើម្បីឲ្យខ្ញុំលើកទឹកចិត្តមនុស្សដែលអស់សង្ឃឹម។រៀងរាល់ព្រឹក ព្រះអង្គរំឭកដាស់តឿនខ្ញុំហើយអប់រំខ្ញុំឲ្យចេះស្ដាប់ដូចសិស្សស្ដាប់ពាក្យគ្រូ។