17. អ្នកណាស្រឡាញ់ខ្ញុំ ខ្ញុំស្រឡាញ់អ្នកនោះវិញអ្នកណាស្វែងរកខ្ញុំ អ្នកនោះពិតជារកឃើញ។
18. ខ្ញុំផ្ដល់ទ្រព្យសម្បត្តិ និងសិរីរុងរឿងភាពចម្រុងចម្រើន និងសេចក្ដីសុចរិត។
19. ផលផ្លែរបស់ខ្ញុំមានតម្លៃជាងមាសទឹកដប់អ្វីៗដែលខ្ញុំផ្ដល់ឲ្យមានតម្លៃជាងប្រាក់សុទ្ធទៅទៀត។
20. ខ្ញុំដើរតាមមាគ៌ាដ៏សុចរិតនិងប្រព្រឹត្តតាមផ្លូវយុត្តិធម៌។
21. ខ្ញុំផ្ដល់ទ្រព្យសម្បត្តិយ៉ាងបរិបូណ៌ឲ្យអ្នកដែលស្រឡាញ់ខ្ញុំ។
22. ព្រះអម្ចាស់បានបង្កើតខ្ញុំតាំងពីដើមដំបូងបង្អស់គឺមុនអ្វីៗដែលព្រះអង្គបង្កើតមកទៅទៀត។
23. ព្រះអង្គបានចាក់ប្រេងតែងតាំងខ្ញុំតាំងពីអស់កល្បរៀងមកគឺនៅគ្រាដំបូងបង្អស់មុនកំណើតពិភពលោកទៅទៀត។
24. កាលខ្ញុំកើតមក មិនទាន់មានជម្រៅទឹកហើយក៏មិនទាន់មានប្រភពទឹកដែរ។