8. តើអ្នកពិតជាចង់ចោទថា យើងមិនយុត្តិធម៌ហើយអ្នកចង់ថ្កោលទោសយើងដើម្បីបង្ហាញថាអ្នកជាមនុស្សសុចរិតឬ?
9. តើអ្នកមានឫទ្ធិបារមីដូចព្រះជាម្ចាស់ហើយមានសំឡេងដូចផ្គរលាន់ដែលជាព្រះសូរសៀងរបស់ព្រះអង្គឬ?
10. តើអ្នកមានភាពថ្កុំថ្កើង និងភាពឧត្តុង្គឧត្ដមហើយពោរពេញទៅពន្លឺរស្មីដ៏រុងរឿងដូចព្រះជាម្ចាស់ឬ?
11. ចូរក្រឡេកមើលមនុស្សមានអំនួតហើយជះកំហឹងដ៏ខ្លាំងក្លារបស់អ្នកលើពួកគេនិងបន្ទាបពួកគេទាំងអស់គ្នាទៅ។
12. ចូរក្រឡេកមើលមនុស្សមានអំនួតហើយបន្ថោកពួកគេទាំងអស់គ្នា!ចូរជាន់ឈ្លីមនុស្សអាក្រក់នៅនឹងកន្លែងទៅ។
13. ចូរយកពួកគេទៅកប់នៅក្នុងធូលីដីជាមួយគ្នាចូរឃុំពួកគេទុកក្នុងរណ្ដៅងងឹត។
14. ពេលនោះ យើងនឹងលើកតម្កើងអ្នកដ្បិតអ្នកបានទទួលជោគជ័យដោយឫទ្ធិបារមីរបស់អ្នកផ្ទាល់។