9. គឺមកពីព្រះអង្គបង្ហាញឲ្យគេស្គាល់អំពើដែលខ្លួនប្រព្រឹត្តនៅពេលមានអំនួត គេបានបះបោរប្រឆាំងនឹងព្រះអង្គ។
10. ព្រះអង្គជួយគេឲ្យយកចិត្តទុកដាក់ស្ដាប់ដំបូន្មានព្រះអង្គណែនាំគេឲ្យលះបង់អំពើទុច្ចរិត។
11. ប្រសិនបើគេសុខចិត្តស្ដាប់ ហើយគោរពចុះចូលគេមុខជាមានសុភមង្គល និងអំណរសប្បាយរហូតដល់ថ្ងៃលាចាកលោកនេះទៅ។
12. ប្រសិនបើគេមិនព្រមស្ដាប់ទេគេមុខជាត្រូវវិនាសដោយមុខលំពែងគេនឹងរលត់វិញ្ញាណទៅ ទាំងអាប់ប្រាជ្ញា។
13. មនុស្សទមិឡរមែងចូលចិត្តកំហឹងពេលព្រះជាម្ចាស់យកច្រវាក់មកចងគេនោះគេមិនស្រែកអង្វរព្រះអង្គឡើយ។
14. គេស្លាប់ទៅ ទាំងខ្លួននៅក្មេងគេបាត់បង់ជីវិតជាមួយពួកពេស្យាសក្ការៈ*។
15. ក៏ប៉ុន្តែ ព្រះជាម្ចាស់ប្រើភាពទុគ៌តដើម្បីរំដោះជនទុគ៌តព្រះអង្គប្រើទុក្ខលំបាក ដើម្បីអប់រំគេ។
16. ព្រះអង្គនឹងនាំលោកឲ្យចៀសផុតពីភាពអាសន្ននេះព្រមទាំងប្រទានឲ្យលោកបានចម្រុងចម្រើនហើយតុរបស់លោកនឹងពោរពេញដោយចំណីអាហារដ៏ឆ្ងាញ់ពិសា។